- Маэбаши
Severity: Warning
Message: file_get_contents(http://api.apixu.com/v1/current.json?key=91923233fdf3489f9c981121190504&q=tokyo): failed to open stream: HTTP request failed! HTTP/1.1 403 Forbidden
Filename: core/CL_Controller.php
Line Number: 115
Сурах зорилгоо бичихэд дараах гурван үндсэн агуулгыг заавал тусгана уу.
1. Өөрийн танилцуулга
(Овог нэр, хаана ямар боловсрол эзэмшсэн, ямар газар ажилласан талаар бичнэ.)
АНХААРАХ:
2. Сурах зорилго
(Яагаад Япон улсад суралцахаар сонирхож байгаа, өөрийн амьдрал япон улстай хэрхэн холбогдсон талаар бодит жишээг дурдаж өгөх, мөн мэргэжил, боловсролыг яагаад япон улсад олж авах сонирхож байгаа талаар бичих)
АНХААРАХ:
3. Сурах сургууль
(Яагаад өөрийн сонирхсон хэлний сургуулийг сонгосон, тус сургуулийн давуу тал, мөн хэлний сургуулиа төгсөөд ямар их дээд болон мэргэжлийн сургуульд үргэлжлүүлэн сурах талаар тодорхой бичнэ)
АНХААРАХ:
ЖИШЭЭ №1
Сайн байна уу. Намайг ________овогтой _______ гэдэг. Миний бие _________нд Улаанбаатар хотод мэндэлсэн. Ам бүл тавуулаа. Одоогоор Үйлдвэрлэл урлалын политехник коллежид урилгаар орон 80% тэтэглэгтэйгээр “Үнэт эдлэлийн дархан” мэргэжлээр суралцдаг. Үүний өмнө тус сургуулийг “Зураач чимэглэгч” мэргэжлээр суралцан төгссөн. Цаашдаа япон улсад “Үнэт эдлэлийн дархан мэргэжлээрээ гүнзгийрүүлэн суралцахаар төлөвлөж байгаа бөгөөд “Токио”хотод байрладаг японы анхны үнэт эдлэлийн коллеж болох Niko-Mizuno of Jewelry-д элсэх суралцах чин хүсэлтэй. Суралцах хугацаандаа бие хүнийхээ хувьд болон мэргэжлийнхээ хүрээнд олон шинэ нээлт хийх, хөгжин дэвшинэ гэдэгтээ бүрэн итгэлтэй байгаа.
Соёл гэдэг нь тухайн улсын тодорхойлох маш том хүчин зүйл гэж боддог. Тийм учраас Япон улсыг сонгосон хамгийн том хүчин зүйл нь японы соёл иргэншил байдаг бөгөөд амьдрах таатай нөхцөл, шударгаар хөдөлмөрлөх, ахин дэвших боломж, япон ард түмний ёс заншил, түүх зэрэг хүчин зүйлс маш их нөлөөлсөн.
Япон хүмүүсийн ухамсрын түвшин, ажилч хичээнгүй зан чанар, цаг төлөвлөлт зэргээрээ алдартай байдаг нь мөн өөр хувь хүний хөгжилд ахиц гаргах зэрэг олон сайн дадлуудыг өөртөө хэвшүүлэх том боломж гэж харж байна.
Мөн бас суралцах хугацаандаа олон орны үнэт эдлэлийн брендүүд, үнэт эдлэлийн хийц загварын тухай чиг хандлагыг сонирхон судалдаг байсан бөгөөд Японы: Kamaoke, Mikimoto,Tasaki, Niwaka,Oztokyo зэрэг брендүүдийн бүтээгдэхүүн миний сонирхлыг маш ихээр татсан нь миний японд суралцах хүслийг улам ихээр нэмэгдүүлсэн. Үүн дундаас “Kamaoke” компаний бүтээгдэхүүний хийц загвар маш их таалагддаг бөгөөд хэрвээ надад боломж олдвол тухайн компанид ажиллаж өөрийн чадвараа сорьж улам сайжруулахыг мөн тус компаний бүтээгдэхүүн хийх арга барил, хэв маяг, үйл ажиллагаатай илүү сайн танилцахыг хүсч байгаагаа нуух юун. Үүний дараагаар монголдоо буцаж ирээд Япон болон Монгол улсын үнэт эдлэлийн хэв маяг хийцийг хослуулан маш их чанартай загварлаг бүтээгдэхүүн урлах баг хамт олныг нэгтгэж олн улсын зах зээлд өрсөлдөхүйц “Бренд” бий болгох мөрөөдөлтэй.
Би мөрөөдлөө биелүүлснээр монголд байгаа хийж бүтээх хүсэл тэмүүлэлтэй чадварлаг залуучуудыг дэмжин ажиллана. Олон залууст үлгэр жишээ байж тэдний урдах замыг нээж гэрэлтүүлэхэд хувь нэмрээ оруулж чадна гэж итгэдэг.
ЖИШЭЭ №2
Сайн байна уу? Намайг __________ гэдэг. Би бол бусад хүүхдийн л адил хүсэл мөрөөдлөөрөө жигүүрлэгдэн сайн муугийн аль нэг сонголтыг хийж яваа билээ. Хүний хамгийн эрхэм сонголтын нэг бол ажил мэргэжлийн сонголт. Тиймдээ ч хүмүүс өндөр хөгжилтэй боловсролтой оронд очиж мэргэжил эзэмшихийг битүүхэн хүсдэг. Хүн бүрийн зорилго мөрөөдөл өөр өөр шүү дээ.
Би Япон улсад очиж программ хангамжийн инженер чиглэлээр бакалаврын зэрэгт суралцахыг хүсдэг. Гэхдээ яагаад бусад орноос илүү Япон оронд сурахыг хүсдэг вэ? Гэвэл надад япон орны түүх болон ахуйн соёл, сакура цэцэг нь маш их таалагддаг. Гэхдээ хамгийн чухал нь гэвэл Япон улсад хягаар гэдэг үг үйлчилдэггүй юм шиг санаддаг. Дэлхийн 2-р дайны дараа япон орон тааруухан эдийн засагтай, байгалийн баялаг багатай, газар нутгийн хэмжээ бага, хүмүүс нь боловсролын түвшин тааруу орон байсан. Харин өдгөө АНУ-ын дараа орж байна. Хүн төрөлхтөнд болохгүй бүтэхгүй юм шиг санаддаг байсан техник технологийн дэвшлийг харуулж чадсан гайхалтай соёлтой ард түмэн. Тийм ч учраас би Япон улсын инженерүүдийн биширдэг.
Би Гүнма мужийн Nippon Academy-ын хэлний бэлтгэлд тодорхой хугацаанд сураад N1 түвшин хүртэл сайн суралцана. Би өөрөө өөртөө тэрхүү боломжийг бий болгоно. Хэлний бэлтгэлээ төгссөний дараа программ хангамж инженерийн их сургуульд элсэн орж мэдлэг болон чадварыг хуримтлуулан хичээж суралцах болно.
Япон хүүхдүүдийн дунд япон багш нараар инженерийн хичээл заалгах нь миний хувьд нэр төрийн хэрэг байх болно. 4-5 жил сурч төгссөнийхөө дараа буцаад эх орондоо ирж Монгол улсын программ хангамж инженерийн салбарт өөрийн чадах, хүрэх газарт хувь нэмрээ оруулан ажиллах болно. Энэ нь миний мөрөөдөл буюу цаашдын зорилго. Би Япон улсыг “Дэлхийн техник технологийн” төв гэж боддог.
Хүндэтгэсэн,
Г.Батаа